د کور او ښار جوړولو وزارت د صنعتي او اقتصادي زونونو د پراختیا رییس وایي، تخنیکي ټیم د کابل چهاراسیاب ولسوالۍ ته تللی، څو د اقتصادي- تفریحي پارک د جوړولو لپاره مناسبه ځمکه وټاکي.
نوموړي زیاته کړې، دا پروژه د یاد ریاست د پینځه کلن پلان برخه ده او د ځینو وړاندیز شویو ساحو عملي ارزونه هم شوې ده، چې په راتلونکي کې به د پارک لپاره مناسب ځای وروستی شي.
کور او ښار جوړولو وزارت وايي، اقتصادي ـ تفریحي پارکونه د پانګونې، کاري فرصتونو او ښاري پراختیا لپاره مهم ارزښت لري، چې یاد وزارت هڅه کوي دا ډول پروژې په معیاري ډول عملي کړي.
د کور او ښار جوړولو وزارت: چهاراسیاب ولسوالۍ کې اقتصادي- تفریحي پارک جوړېږي
