الجزیرې خبري شبکې راپور ورکړی، چې د اسراییلي رژیم د هوايي بریدونو له امله د لبنان په سويل کې څلور مرستندویان وژل شوي او شپږ نور ټپیان دي.
د راپور له مخې، ياد مرستندويان سيمې ته د ټپيانو د ژغورنې په موخه تللي و، چې د اسرایلي رژيم له لورې پرې بریدونه شوي دي.
دا په داسې حال کې ده، چې په لبنان کې د روانو نښتو له پیل راهیسې ۹۱ روغتیايي کارکوونکي د اسراییلي رژيم د بریدونو له امله وژل شوي دي.
بل خوا د لبنان روغتیا وزارت هم ویلي، چې د مارچ له دویمې نېټې راهیسې تر دې دمه د اسراییلي رژيم د بریدونو له امله لږ تر لږه ۲ زره او ۱۶۷ کسان وژل شوي او له ۷ زرو زیات نور ټپیان شوي دي.