د ځمکو د غصب مخنیوي کمیسیون وايي، چې په تېره یوه میاشت کې د هېواد په بېلا بېلو ولایتونو کې ۱۴۳ زره جرېبه اماراتي ځمکه د زورواکو او غاصبینو له منګولو خلاصه او بېرته راګرځول شوې ده.
یاد کمیسیون زیاتوي، چې د یوې میاشتې په موده کې د دې کمیسیون څیړونکو ټیمونو په ۲۶ ولایتونو کې نږدې ۳۶۰ زره جریبه ځمکه تثبیت کړې ده.
دغهراز له ۵۴۰ زره جرېبه زیاته ځمکه تر څېړنې لاندې نیول شوې ده.
د فساد وده او په ټولنه کې د زورواکو شتون هېواد کې د ځمکو د غصب یو له اصلي لاملونو څخه و، چې د اسلامي امارت له بیا حاکمیت وروسته زورواکي له منځه تللې او زرګونه جرېبه ځمکه بېرته راګرځول شوې ده.