د افغانستان لپاره د اروپايي ټولنې مشرې رافیلا ایودیس د بهرنیو چارو وزارت له سیاسي مرستیال شېرمحمد عباس ستانکزي سره لیدنه کړې.
په دې لیدنه کې د افغانستان سره په روان زیږدیز کال (۲۰۲۴) کې د مرستو په دوام، له پاکستان او ورته نورو هېوادونو څخه د افغان کډوالو په جبري ویستنه، د هرات ولایت زلزله ځپلو سره په مرستو او په یو لړ نورو سیاسي او بشري موضوعاتو خبرې شوي.
په پای کې دواړو لورو د افغانستان او اروپایي ټولنې ترمنځ تعامل اړین بللی او د همکاريو په دوام یې ټینګار کړی.