د صنعت او سوداګرۍ وزارت سرپرست نورالدین عزیزي په افغانستان کې د ترکیې له سفیر جینک اونال سره لیدنه کړې.
په دې کتنه کې دواړو لورو د دوه اړخیزې سوداګرۍ، په دواړو هېوادونو کې د نندارتونونو د جوړولو، افغان سوداګرو ته په ویزو کې د لازمو اسانتیاوو برابرولو، په ترکیه کې دافغاني غالیو لپاره د صادراتو دایمې مرکز جوړولو او اروپايي هېوادونو ته د افغانستان د غالیو صادرولو په اړه خبرې کړي.
د صنعت او سوداګرۍ سرپرست وزیر په بیلابیلو سکتورونو کې د پانګونې د زمینې برابرولو یادونه کړې او د ترکیې پانګوال يې په افغانستان کې پانګونې ته را بللي دي.