د افغانستان اسلامي امارت سیاسي کمېسیون د ریاست الوزرا سیاسي مرستیال مولوي عبد الکبیر په مشرۍ، په سپیدار ماڼۍ کې غونډه کړې.
په دې غونډه کې لومړی په کابل کې د “افغانستان د سیمه ییزې همکارۍ ابتکار” ناسته چې تېره اونۍ جوړه شوې وه، خبرې شوي، چې تر ارزونو وروسته دغه ناسته د سیمه ییزو همکاریو د پراختیا او پیاوړتیا لپاره مهمه او بریالۍ بلل شوې ده.
همدارنګه د غونډې ګډونوالو په دوحه کې د افغانستان په اړه د ملګرو ملتونو له لوري د جوړېدونکې غونډې په اړه هم هر اړخیزې خبرې کړي.
د سیاسي کمېسیون په دې ناسته کې د افغانستان او سیمې پر وضعیت هم خبرې شوي او له اجنډا سره سم لازم تصمیمونه نیول شوي دي.