د افغانستان اسلامي امارت د رياست الوزرا اداري مرستيال مولوي عبدالسلام حنفي د کډوالو ستونزو ته د رسیدنې عالي کمیسیون له لوري د کندهار دامان ولسوالۍ ګچ خانې سيمې د کډوالو د وضعيت ارزونې په موخه له ټاکل شوي پلاوي سره لیدنه وکړه.
په دې لیدنه کې لومړی د ملي دفاع وزارت لوی درستيز او د پلاوي ریيس قاري فصيح الدين فطرت د پلاوي د کړنو پايلو راپور د رياست الوزرا اداري معاونیت ته وړاندې کړی.
نوموړي ویلي؛ هيله لري چې د کډوالو ستونزو ته د رسيدنې عالي کمیسیون د هغوی ارزونو او موندنو ته په پام، د دغې سيمې د خلکو ستونزو ته دايمي حل لاره پيدا کړي.
مولوي عبدالسلام حنفي ياد پلاوي ته د ښه راغلاست ترڅنګ ویلي، چې ياد پلاوی به د ګچ خانې سيمې د خلکو ستونزو حل کې لويه مرسته وکړي او د هغوی فعاليت يې ستایلی دی.
د رياست الوزرا اداري مرستيال زياته کړې؛ ياد کمیسيون هڅه کوي، چې د اسلامي امارت د پاليسۍ مطابق په مختلفو برخو کې د کډوالو او هيوادوالو ستونزو ته رسيدنه او له هغوی سره همکاري وکړي.