د ۲۰۲۳ کال اسیا جام فوټبال سیالیو پایلوبه تېره شپه (د سلواغې ۲۱مه) د کوربه قطر او اردن فوټبال ملي لوبډلو ترمنځ وشوه، چې قطر پکې سیالې لوبډلې ته د اکرم عفیف ۳ پرلپسې پینالټي ګولونو پر مټ ۳ ـ ۱ ماته ورکړه او د دې سیالیو اتلولي یې په خپل نوم ثبت کړه.
اسیا جام فوټبال سیالۍ د قطر په کوربتوب د روان زیږدیز کال د جنورۍ پر ۱۲مه نېټه د ۲۴ اسیايي لوبډلو ترمنځ پیل شوې وې، چې د ۳۲ ورځو په موده کې په ۵۱ لوبو کې ۱۳۲ ګولونه ووهل شول.
په دې سیالیو کې د قطر لوبغاړی اکرم عفیف د ۸ ګولونو په ترسره کولو سره لومړي مقام کې راغی.