سیاسي کمېسیون د ریاست الوزرا سیاسي مرستیال مولوي عبدالکبیر په مشرۍ غونډه کړې.
په دې غونډه کې د افغانستان او سیمې پر وضعیت، دوحې ناستې او په اجنډا کې پر شاملو یو شمېر نورو موضوعاتو بحث شوي.
دغه راز د پسرلي په راتلو سره په هېواد کې د نیالګیو کېنولو په اړه د چاپیریال ساتنې ملي ادارې پر طرحې هم خبرې شوي.
د کابينې د پرېکړې له مخې د چاپېریال ساتنې ملي ادارې دغه طرحه، د کرنې، اوبو لګولو او مالدارۍ وزارت او د چارو ادارې عمومي رياست له لوري له بیا ارزونې وروسته، د بحث لپاره سیاسي کمېسیون ته وړاندې شوه.
په دې طرحه کې، په هېواد کې د زرغونې سیمې پراختیا، د نیالګیو کېنول او د اوبو مهارول شامل دي.
د سیاسي کمېسیون په دې غونډه کې، د یو شمېر نورو موضوعاتو په اړه هم لازم تصميمونه نیول شوي دي.