هېواد کې د شهیدانو ورثهوو، معلولینو، کونډو او یتیمانو د لاسنیوي او د دوی د ځان بسیاینې لپاره هڅې!
د شهیدانو او معلولینو چارو وزارت ویاند مفتي فیصل خاموش وایې؛ په روان ۱۴۰۲ لمریز کال کې شاوخوا ۲۰۰ زره معلولین ثبت او راجستر شوي، چې د تیرې ادارې ملکي او نظامې معلولین هم پکې شامل دي.
یاد وزارت د ټولو شهیدانو ورثهوو، معلولینو او یتیمانو ته د حرفوي زدهکړو روزنیز پروګرامونه هم پيل کړي دي.
ورته مهال یو شمېر معلولین هم د شهیدانو او معلولینو چارو وزارت له کړنو خوښ دي او وايي، چې یاد وزارت له کوم توپیري چلند پرته خپل حقوق ورکوي.
د دې تر څنګ د شهیدانو او معلولینو چارو وزارت په روان ۱۴۰۲ لمریز کال کې د شاوخوا ۶۱۵ زره یتیمانو، معلولیت لرونکو وګړو او کونډو د ثبت او راجستر خبر ورکوي، چي په هرو شپږو میاشتو کې حقوق ورکول کیږي.
محمد اسماعیل وفا