د اطلاعاتو او کلتور وزیر ملا خیرالله خیرخواه د امارتي ادارو د ویاندویانو ترمنځ د همغږۍ په سیمینار کې له رسنیو سره پر خپل وخت د اطلاعاتو په شریکولو ټینګار کړی.
ښاغلي خیرخواه ویلي؛ د امارتي ادارو ویاندویان دنده لري چې په خپل وخت له رسنیو او خلکو سره د اسلامي امارت د فعالیتونو او لاسته راوړنو په اړه اطلاعات شریک کړي.
نوموړي زیاته کړې؛ پر وخت د اطلاعاتو شریکول د شایعاتو په مخنیوي کې مهم دي.
دغهراز یې د امارتي ادارو د ویاندویانو ترمنځ په همغږۍ ټینګار کړی دی.
د دې وزارت د کلتور او هنر مرستیال مولوي عتیقالله عزیزي پخپل وخت د اطلاعاتو شریکول د هېوادوالو اړتیا ګڼلې او د ناسمو اطلاعاتو له خپریدو څخه په مخنیوي کې یې مهم بللي دي.
یاد سیمینار د ریاست الوزرا په حکم په هرو درې میاشتو کې د کار د ښهوالي او د بیلابیلو امارتي ادارو ویاندویانو لپاره د اطلاع رسولو په موخه جوړېږي.