د کاپیسا سیندیزې فرعي حوزې تر څارنې لاندې په یاد ولایت کې د اف، ای، او موسسې په مالي همکارۍ د ۱۵۱ زره او ۱۸۲ ډالرو په لګښت د څلورو پروژو چارې پیل شوې.
د دې پروژو چارې د یوه ګورني شرکت لخوا ترسره کیږي.
په دغو پروژو کې د شېخ اب کانال د ۱۵۰ مترو په اوږدوالي د ګبیون دېوال، او د یاد کانال د ۳۹۲ مترو په اوږدوالي د استنادي دیوال، د ۱۸ مترو په اوږدوالي سربند، د ۹۰ مترو په اوږدوالي د سواحلو بیا رغونه، د ۲۴۰ مترو په اوږدوالي استنادي دېوال، د پینځه مترو په اوږدوالي د قل بابر پلونو جوړول، د ده بابي کانال د دوه زره او ۵۰۰ مترو په اوږدوالي او د یو زر او ۵۰۰ مترو په اوږدوالي د صدیقي کانال پاکول شامل دي.
د يادونې وړ ده، چې د يادو پروژو په جوړېدو سره به د اوبو د سرچينو د پیاوړتیا او دوامدار مديريت، د خاورې د تخريب او د کانالونو د بندېدو، د سېلابونو د مخنيوي او د لسګونه جريبه کرنيزو ځمکو د وجاړۍ ساتنه وشي.