ورځ: یکشنبه
نېټه: ۱۹/۵/۱۴۴۵ ھ ق، مطابق ۱۲/۹/۱۴۰۲ ھ ش
هېواد ته له بېلابېلو لارو مهاجرین راستانه شوي دي، چې د موظفو کمېټو لهخوا یاد کډوالو ته رسېدنه شوې او بېلابېل اړین خدمات ورته وړاندې شوي دي.
بشپړ راپور یې د ورودي لارو او کمېټو په تفکیک سره په لاندې توګه وړاندې کیږي:
تورخـــم (ډیورنډ فرضي کرښه)
د ثبت، تثبیت او استقبال کمیټه:
تورخم کې د ثبت، تثبیت او استقبال کمېټې له لوري ۲۰۳ کورنۍ ثبت شوې او راجسټر شوې.
د ټرانسپورټ او انتقال کمېټه:
له تورخم څخه ۴۲ کورنۍ چې د افرادو شمېر یې ۲۲۱ تنه کیږي، کابل، لغمان، ننګرهار او کونړ ولایتونو ته ولېږدول شوې او ۶۵ زره افغانۍ کرایه ورکول شوه.
د خدماتو او صحي چارو کمېټه:
عمري کمپ کې د خـدماتي کمـېـټې لهخـوا شپږ زره تنه کډوالو ته ډوډی او تصفيه شوې اوبه په خپل وخت سره توزیع شوې.
د مختلفو خيريه بنسټونو له خوا مرسته شوې ۲۵۰ کمپلې، ۳۵۰ بستې معدني اوبه او ۳۰۰ څادرونه، بوټونه او کوټونه، ۳۵۰ بستې خوارکي توکي او همدارنګه ۱۳۵ زره ليټره اوبه کډوالو ته رسول شوي دي.
د خدماتو کمېټې په چوکاټ کې د مخابراتو او معلوماتي ټکنالوژۍ د مسولينو له خوا راستانه شویو کډوالو ته ۵۸۱ عدده سیمکارټونه په وړیا توګه ووېشل شول.
د کار موندنې کمیټه:
د کډوالو لپاره د کارموندنې کمېټې نن په تورخم کې ۱۳ تنه د بکلوریا سند لرونکي، دوه فوق بکلوریا سند لرونکي، شپږ تنه د لیسانس سند لرونکي، یو تن ماسټر، شپږ حافظان، یو تن د وړې دورې فارغ، دوه تنه دیني عالمان، ۱۶۴ تنه غریبکار او ۱۸۲ تنه حرفهيي او مسلکي کسان ثبت کړل، چې ټول ۳۷۵ تنه کیږي، ثبت کړل.
سپین بولدک (ډیورنډ فرضي کرښه)
د ټرانسپورټ او انتقال کمېټه:
له سپين بولدک ولسوالۍ او کندهار څخه ۷۸ کورنۍ چې د افرادو شمېر یې ۵۳۲ تنه کیږي هلمند، کابل او کندهار ولایتونو ته ولېږدول شوې او یادو کورنیو ته ۱۲۶ زره افغانۍ کرایه هم ورکول شوه.
د خدماتو او صحي چارو کمېټه:
عمري او ښوراندام کمپونو کې څلور زره تنه کډوالو ته ډوډۍ ورکول شوې او ۸۶ زره لېټره اوبه ورسول شوې.
د خدماتو او صحي چارو کمېټې په چوکاټ کې د ماشومانو د ژغورنې، د هېلټ نېټ موسسې او د باران صحي ټیمونو لهخوا ۲۶۲ تنه ناروغان تداوي شوي؛ یو زر او ۹۵۴ تنو ته بېلابېل واکسیونونه تطبیق شوي، د ۸۳۴ کسانو سکرینینګ شوی او د اووه تنو د ملاریا او کورونا نمونې اخیستل شوي.
پکتیـــــــکا (ډیورنډ فرضي کرښه)
د ثبت، تثبیت او استقبال کمېټه:
پر ډیورنډ کرښه د انګور اډې په سیمه کې اووه کورنۍ ثبت شوې.
د ټرانسپورټ او انتقال کمېټه:
دوه کورنۍ له انګور اډې څخه د کډوالو کمپ ته او له هغه ځای څخه خپلو ولسوالیو او کلیو ته لیږدول شوي دي.
د مالي چارو د تنظیم کمېټه:
انګور اډه کې د مالي چارو د تنظیم کمېټې له لوري له دوه کورنیو سره مرسته شوې او هرې کورنۍ ته لس- لس زره افغانۍ ورکول شوې دي.
د خدماتو او روغتیايي چارو کمېټه:
په ښرنه او انګور اډه کې د ۲۵ کسانو تداوي شوې، شپږ کسانو ته واکسین تطبیق شوی او انګور اډه او ښرنه کې د خدماتو کمېټې له لوري ۸۶ تنو ته ډوډۍ ورکول شوې او د شپې تېرولو ځای او نور اړین توکي ورته برابر شوي دي.
د خدماتو کمېټې په چوکاټ کې د مخابراتو او معلوماتي ټکنالوژۍ د مسولينو له لوري نهه عدده سیمکارټونه ووېشل شول.
د اطلاعاتو او عامه پوهاوي کمېټه:
د اطلاعاتو او عامه پوهاوي کمېټې له لوري راستنېدونکو کډوالو ته د خپلو ماشومانو د ښې راتلونکې او تعلیمي نظام په هکله معلومات ورکړل شول.
نیمـــرزو (ډیورنډ فرضي کرښه)
د ثبت، تثبیت او استقبال کمېټه:
نیمروز کې د ورېښمو له لارې ۲۳ کورنۍ چې د غړو شمېر یې ۶۲ تنه کیږي، هېواد ته راستنې شوې، چې د مسولينو له لوري ثبت او بایومټریک شوې.
په همدې ډول په تېرو ۲۴ ساعتونو کې یو زر او ۲۱۷ تنه مجرد مسافر هم ثبت شوي چې له دې ډلې ۱۸۴ تنه د مرستو په موخه (آی او اېم) سازمان ته ور وپيژندل شو.
د مؤقت میشت کولو کمېټه:
په نیمروز کې نن ۱۴ کورنۍ چې د غړو شمېر یې ۵۲ تنه کیږي، د کډوالو په مؤقت کمپ کې مېشت شوې، د اوسیدنې امکانات ورته برابر کړل شول او همدا راز د آی او اېم سازمان ته د مرستو په موخه معرفي شوې.
د مالي چارو کمېټه:
د مالي چارو کمېټې له لوري نن په نیمروز کې له شپږو کورنیو سره لس-لس زره افغانۍ مرسته وشوه.
د خدماتو او صحي چارو کمېټه:
د خدماتي کمېټې په چوکاټ کې د مخابراتو او معلوماتي ټکنالوژۍ د مسولينو له لوری ۲۶ عدده سیمکارټونه ویشل شوي دي.
د اطلاعاتو او عامه پوهاوي کمېټه:
راستانه شویو هېوادوالو ته د عامه پوهاوي په برخه کې پوره لارښوونې وشوې.
هــــــــــــــرات
د مالي چارو کمېټه:
هرات کې د مالي چارو د تنظیم کمېټې له لوري له نهه کورنیو سره لس لس زره افغانۍ مرسته وشوه.
د کډوالو ستونزو ته د رسېدنې عالي کمېسیون دارالانشاء
