د افغانستان لپاره د امریکا پخواني ځانګړي استازي زلمي خلیلزاد پر اېکس لیکلي، چې د پاکستاني ملېشو له لوري پر افغان خاوره د تېرې شپې بریدونه غندي او د قربانیانو له کورنیو سره خواخوږي څرګندوي.
زلمي خلیلزاد ویلي، چې د ملکي وګړو شهیدانول او د پراخې جګړې رامنځته کېدو خطر د افغانستان او پاکستان ترمنځ د شته ستونزو حل نه دی؛ بلکې زغم او ریښتینې ډیپلوماسي د ستونزو د حل تر ټولو غوره لارې دي.
نوموړي زیاته کړې، چې په راتلونکو څو ورځو کې به د ترکیې یو پلاوی پاکستان او ښايي افغانستان ته سفر وکړي او وروسته به په انقره کې یو ګډ څارونکی مرکز پرانیستل شي، چې د قطر، ترکیې، افغانستان او پاکستان استازي به پکې ګډون ولري.
د خلیلزا په وینا، دغه مرکز به یوازې د پېښو څارنه نه کوي، بلکې د هر ډول ادعاوو یا راپورونو د ترلاسه کېدو پر مهال به د ستونزو د حل هڅه هم کوي.
همدارنګه ملا عبدالسلام ضعیف ویلي:« د پنجابي بې کفایته پوځي دیکتاتور رژیم د تېري شپي یرغل زموږ د هېواد پرحریم ښکاره تېری او په ګربزو ولسوالۍ کې د بېګناه خلکو، ښځو او ماشومانو شهادت د هغوی د فساد بزدلانه عمل دی، په داسي کړنو سره هغوی وښودله چې د سولې لپاره لېوالتیا او وړتیا دواړه نلري.»
نوموړي د شهید شویو هېوداوالو کورنیو او دوستانو ته د الله له درباره څخه د اجرعظیم او صبر جمیل غوښتنه کړې ده.
همدارنګه ملا عبدالسلام ضعیف ویلي: «د پنجابي بېکفایته پوځي دیکتاتور رژیم د تېرې شپې یرغل زموږ د هېواد پر حریم ښکاره تېری دی او په ګربزو ولسوالۍ کې د بېګناه خلکو، ښځو او ماشومانو شهادت د هغوی د فساد بزدلانه عمل دی. په داسې کړنو سره هغوی وښودله چې د سولې لپاره نه لېوالتیا لري او نه هم وړتیا. »
نوموړي د شهید شویو هېوادوالو کورنیو او دوستانو ته د الله له دربار څخه د اجر عظیم او صبر جمیل غوښتنه کړې ده.
د اسلامي امارت ویاند مولوي ذبیحالله مجاهد وایي، تېره شپه ۱۲ بجې د متجاوز پاکستاني پوځ له لوري د خوست ولایت په ګربزو ولسوالۍ کې د یوه ملکي وګړي ولایت خان پر کور هوايي برید شوی، چې د دغه برید له کبله د یوې مېرمنې په ګډون ۹ ماشومان شهیدان شوي.
ښاغلی مجاهد زیاتوي، چې د دې سربېره په کونړ او پکتیکا ولایتونو کې هم متجاوزینو هوایي بریدونه کړي، چې په پایله کې یې ۴ ملکي وګړي ټپیان شوي دي.
