ټولګټو وزارت وایي، چې په تېره اوونۍ کې (د ۱۴۰۵ هـ.ش. کال د غویي له څلورمې نېټې څخه تر ۱۰مې) نېټې پورې د دې وزارت د اوسپنې پټلۍ له لارې ۲۲۹ زره او ۵۳۶ مټریک ټنه انتقالات شوي دي.
یاد وزرات زیاته کړې، چې د حیرتان بندر له لارې ۱۵۸ زره او ۱۳۳ټنه، د آقینې بندر له لارې ۲۱زره او ۷۹۷ټنه، د تورغونډۍ بندر له لارې ۱۹ زره او ۱۹۵ټنه او د خواف–هرات له لارې ۳۰ زره او ۴۱۱ ټنه انتقالات ترسره شوي، چې ټولټال ۲۲۹ زره او ۵۳۶ ټنه نفتي، غیرې نفتي او نور مواد دي، هېواد ته وارد او صادر شوي دي.
همداراز د دې وزرات د معلوماتو له مخې، د انتقالاتو له ډلې یوه برخه صادرات دي، چې په تېره اوونۍ کې (۲۶۴) ټنه د انارجوس صادر شوی.
د ټولګټو وزارت په وینا؛ هر څومره چې د اوسپنې پټلۍ له لارې د صادراتو او انتقالاتو کچه لوړيږي، په هماغه اندازه کاري فرصتونه برابریږي، ملي عواید زياتيږي او په ټوله کې اقتصادي ثبات، ترقۍ او ځان بسياينې ته لاره هواریږي.
