ټرینډ نیوز خبري اژانس راپور ورکړی، چې د اوزبیکستان د ترانسپورټ وزارت مرستیال تاشکند کې د پانګونې نړېوالې دوې ورځنۍ درېیمه ناسته کې ویلي، چې د افغان-ټرانس پروژې چارې به تر ۲۰۲۷ زېږدیز کال پورې بشپړې شي.
نوموړي دا پرژوه یوه مهمه ټرانزیټي او له سویلي اسیا سره د منځنۍ اسیا د وصل لاره بللې ده.
د اقتصاد وزارت مسلکي مرستیال عبدالطیف نظري وایي، چې د دې پروژې په بشپړیدو سره به افغانستان عملا د منځنۍ اسیا هېوادونو تر منځ په نښلېدونکې سوداګریزه لاره بدل شي.
د اقتصادي مسایلو کارپوهان د افغان-ټرانس ریل پټلۍ د هېواد د اقتصادي او سوداګریزې ودې لپاره ښه سرچینه ګڼي.
افغان-ټرانس ریل پټلۍ داسې یوه مهمه پروژه ده، چې منځنۍ اسیا د افغانستان له لارې له جنوبي اسیا سره نښلوي.