د امر بالمعروف، نهی عنالمنکر او شکایتونو اورېدلو وزیر شیخ محمد خالد حنفي نورستان کې د یو جومات د پرانیستې په مراسمو کې ویلي، چې اسلامي امارت د تعلیمي مرکزونو جوړولو ته ځانګړې پاملرنه کړې او په تېرو کلونو کې د هېواد په کچه ګڼ شمېر جوماتونه او تعلیمي مرکزونه جوړ شوي دي.
نوموړي زیاته کړې، د الله تعالی شکر دی، چې اوسمهال په هېواد کې بشپړ امنیت تامین شوی او ټول افغانان په یووالي او ورورولۍ کې ژوند کوي.
ښاغلي حنفي په دې مراسمو کې له خلکو غوښتي، تر څو په ټولنه کې د معروفاتو اقامې او منکراتو مخنیوي په برخه کې له محتسبینو سره مرسته وکړي.
دا جومات د امریکايي اشغالګرو په بمبارۍ کې ویجاړ شوی و، چې اوس د ۱۵ میلیونه افغانیو په لګښت جوړ او پرانیستل شو.