د افغانستان اسلامي امارت د کابل-کندهار پر لویه لاره د ارغندۍ په سیمه کې د دردوونکې ترافیکې پیښې د قربانیانو کورنیو ته تسلیت ویلی او شهیدانو ته یې د جنت الفردوس، ټپیانو ته یې د بېړنۍ روغتیا او کورنیو ته یې د اجر غوښتنه کړې ده.
د اسلامي امارت د تسلیت په پيغام کې راغلي: “په ډېره خواشینۍ سره، چې یو ځل بیا د کابل-کندهار پر لویه لاره د ارغندۍ په سیمه کې د یوه بس موټر د اوښتو له امله ګڼ شمېر افغانان شهیدان او ټپیان شوي دي. انا لله و انا الیه راجعون”
دغهراز مسولو ارګانونو ته سپارښتنه شوې، چې د پېښې د لاملونو جدي څېړنه وکړي او د ټپيانو درملنې ته پوره پاملرنه وکړي.
په دې خونړۍ ترافیکي پېښه کې ۲۵ کسان مړه او ۲۶ نور ټپيان شوي وو.