په جاکارتا کې د اسلامي امارت سفیر مولوي سعدالله بلوچ د اسلامي هېوادونو په چارو کې د اندونیزیا د بهرنیو چارو د وزیر له مرستیال محمد انیس ماتا سره وکتل.
په اندونیزیا کې د افغانستان سفارت وایي، چې په دې کتنه کې دواړو لوریو د دوستانه اړیکو د پراختیا او د سیاسي، اقتصادي، تعلیمي او کلتوري همکاریو د پیاوړتیا په اړه خبرې کړې دي.
د یاد سفارت په وینا، مولوي سعدالله بلوچ د کابل او جاکارتا تر منځ د دوه اړخیزه همکاریو پر پراختیا او دوام ټینګار کړی دی.