د کندهار ولایت سرپرست والي د عینو مېنې په ۳۵۰ بستریز روغتون کې د سي ټي سکن خدمتونو په پیلیدو خوښي ښودلې او د یاد روغتون سره یې د هر ډول همکارۍ ډاډ ورکړی.
د پرانیستې پر مهال د عامې روغتیا وزارت مالي او اداري مرستیال مولوي محمداسحاق صاحبزاده ویلي، چې په لومړي ځل د عینو مېني په ۳۵۰ بستریز روغتون کي د سي ټي سکن خدمتونه پیل شول، چې د یاد ماشین ترڅنګ د “ایم،آر،آی” او “التراساونډ” د دستګاه په ګډون د یادو ماشینونو لګښت ۸۰ میلیونه افغانۍ دی، چې د عامې روغتیا وزارت لخوا ورکړل شوي.