دغه درې اړخیز تړون د ننګرهار والي ملا محمد نعیم اخوند، د ننګرهار سیندیزې حوزې ریيس سیدفضل احد هاشمي او د جاپان د پي ام اس موسسې د مسولې انجنیرې اووا ترمنځ د ننګرهار ولایت په بهسود ولسوالي کې د تنګي توغچې کانال د جوړولو او د کوز کنړ ولسوالۍ اړوند د سیند د تحکیماتو لپاره د بولډروال د جوړولو په موخه لاسلیک شوی.
د دغه تړون د لاسلیکولو پر مهال، د ننګرهار والي په دې برخه کې د پي ام اس موسسې د مسولینو هڅې ستایلي او هغوی ته یې د هر ډول همکاري ډاډ ورکړی.
د نوموړي تړون پر بنسټ، یاده پروژه د جاپان د پي ام اس موسسې له لوري د ننګرهار سیندیزې حوزې په همکاري د ۱۷۴ زره او ۹۲۴ امریکایي ډالرو په ارزښت پیلیږي.