د اطلاعاتو او کلتور وزارت سرپرست ملا خيرالله خیرخواه کندهار کې د لوی امپراطور احمدشاه بابا د مور بي بي زرغونې انا له زیارت څخه لیدنه کړې.
د اطلاعاتو او کلتور سرپرست وزیر ملا خيرالله خیرخواه زیارت کې له دعا وروسته د زرغونې انا پر ژوند او تاریخي مخینه خبرې کړي او ترڅنګ یې د سیمي له خلګو سره د زيارت پر ویجاړ شوو ځایونو خبرې کړي.
ښاغلي خیرخواه د یاد تاريخي ابدې د بیارغونې ژمنه کړې او زیاته کړې یې ده؛ د اطلاعاتو او کلتور وزارت په مختلفو ولایتو کې پروژې تر پوښښ لاندي لري.
نوموړي همدا راز ویلي؛ د تاریخي سیمو ساتنه او بیارغونه د حکومت او ولس ګډ مسولیت دی، ولس دې یې په ساتنه کې خپل مسولیت په ښه توګه ادا کړي.