د کډوالو او راستنېدونکو چارو سرپرست وزیر خلیل الرحمن حقاني د افغانستان لپاره د ملګرو ملتونو د بشري ټولنې له مرستیال فران، د (OCHA) ادارې مرستیال محمد زید خاطر، د (UNHCR) ادارې مرستیالې آغلې یومیکو او د (IOM) او (ACBAR) موسسو له استازو سره په لیدنه کې ویلي، چې بشري مرستې باید تر سیاسي حالاتو پورې ونه تړل شي.
د افغانستان لپاره د ملګرو ملتونو د بشري ټولنې مرستیال ویلي، چې موږ د افغانستان قوانینو، دین، کلتور او دودونو ته درناوی لرو او ژمن چې خپلو مرستو ته دوام ورکړو.
ښاغلي حقاني ټول موسسات مکلف ګڼلي، چې د افغانستان قوانین پر ځان تطبیق کړي.
نوموړي ویلي؛ زموږ او ستاسې مسولیت دی چې مرستې په پوره روڼتیا اړمنو ته ورسوو او ډاډ درکوم، چې په دې پروسه کې به بشپړه همکاري درسره کوو.
د کډوالو چارو سرپرست وزیر ډاډ ورکړی؛ اسلامي امارت به د شریعت په چوکاټ کې ډېر ژر داسې تګلاره جوړه کړي، چې یادې ستونزې حل کړي.
د مهاجرینو چارو وزارت مالي او اداري مرستیال محمد ارسلاح خروټي ټینګار کړی، چې اسلامي امارت تر هر چا زیات د مېرمنو ستونزو ته متوجې دی.