د افغانستان د خوړو او درملو ملي ادارې سرپرست ډاکټر عبدالباري عمر د UNFPA موسسې له مرستیال مارک هاچینسن سره لیدنه کړې.
په یاده لیدنه کې مارک هاچینسن د افغانستان د خوړو او درملو ملي ادارې له مشرتابه څخه غوښتنه کړې، چې د دوی د درملو د وارداتو پروسه کې ګړندیتوب رامنځته کړي.
ډاکټر عبدالباري عمر ویلي؛ هر موسسه چې افغانستان ته درمل واردوي باید په لومړي قدم کې د افغانستان درملیزو تولیداتو ته اولیت ورکړې او د داخلي تولیداتو څخه دې ګټه پورته کړي، ځکه د افغانستان د درملو تولیدات لوړ کیفیت لرونکي دي.
نوموړي زیاته کړې؛ هغه درمل چې افغانستان کې نه تولیديږي موسسات اړ دي، ترڅو د بهر له هغو کمپنیو څخه یې واردات ترسره کړي، چې د افغانستان د خوړو او درملو ملي اداره کې ثبت وي.