پاریس کې یوه بریدګر پر سیلانیانو د چړې او څټک برید کړی، چې په پایله کې یې یو سیلاني وژل شوی او دوه نور ټپیان دي.
دا پېښه فرانسه کې د پاریس ایفل برج ته نږدې شوې ده.
فرانسوي چارواکو ویلي، چې ۲۶ کلن فرانسوی بریدګر د امنیتي ځواکونو له لوري نیول شوی.
د فرانسې د کورنیو چارو وزیر جرالډ درمانین ویلي؛ یاد کس د فرانسې امنیتي سازمانونو د څارنې نوملړ کې هم و، چې په ۲۰۱۶ کال کې په یوه بل برید کې ټپي او وروسته په څلور کاله بند محکوم شوی و.