د افغانستان د طبي شورا رییس ډاکټر ګلمحمد عثماني د کندهار له سرپرست والي سره لیدنه کړې.
په دې لیدنه کې د هېواد په سطحه او بیا په زونونو کې د طبي شورا د کړنو او فعالیتونو، د سویل لوېدیځ زون په سطحه د طبي شورا د ساحوي دفتر د پرانیستنې، خلکو ته د غوره روغتیايي خدماتو وړاندي کولو او د ناروغانو د ستونزو د حل او نورو روغتیايي موضوعاتو په اړه خبرې شوي.
ډاکټر ګلمحمد عثماني د طبي شورا په اړه ویلي؛ دغه شورا خلکو ته د غوره روغتیايي خدمتونو وړاندي کولو، د روغتیايي خدمتونو معیاري کولو، د ډاکټرانو او ناروغانو ستونزو ته د رسېدني، د ډاکټرانو او متخصصینو د کړنو څارلو، د بېکیفیته درملو د مخنیوي، د مسلکي روغتیايي پرسونل د روزنې او د هغوی د حقونو له دفاع او ورته نورو برخو کې کار کوي.
د کندهار والي د طبې شورا فعالیتونه ستایلي او د هر ډول همکارۍ ډاډ یې ورکړی.