د ریاست الوزرا سیاسي مرستیال مولوي عبدالکبیر د لوړو زده کړو وزارت له مرستیال ډاکټرلطف الله خېر خواه، د ښار جوړولو وزارت له مرستیال شیخ کریمي بامیاني او له یو شمېر علماوو سره لیدنې کړي.
لومړی شیخ کریمي بامیاني او ډاکټر لطف الله خېرخواه د خپلو اړوندو ادارو په اړه د ریاست الوزرا سیاسي مرستیال ته معلومات ورکړي او ویلي يي دي، د اړوندو ادارو دروازې د ولسونو پر مخ خلاصې او د دوی ستونزو ته پر وخت رسېدنه کېږي.
یو شمېر راغلو علمای کرامو د اسلامي نظام په ټینګښت خوښې څرګنده کړې او له اسلامي نظام سره یې د خپلې همکارۍ ډاډ ورکړی.
د ریاست الوزرا سیاسي مرستیال ویلي؛ د افغانستان رغونه، ثبات او د خلکو د ستونزو حل کول، په وخت ولسونو ته ځواب او د کړنو ترسره کول غواړي، چې په دې برخه کې باید ولسونه او ځايي مسولین په ګډه همکاري وکړي.
مولوي عبدالکبیر: د ولسونو په ګډه همکارۍ به د هېواد رغونه، ثبات او د خلکو ستونزو د حل هڅه کوو
