د ریاست الوزرا اداري مرستيال مولوي عبدالسلام حنفي په مشرۍ د اړوند ادارو مسولينو په ګډون د قوش تیپې کانال چارو د پرمختګ، ښه والي او فعاليتونو کې د اسانتياوو د رامنځته کولو په موخه د کابينې له لوري ګومارل شوي پلاوي غونډه کړې.
په دې غونډه کې، چې د چارو ادارې لوی ریاست، د کرنې، اوبو لګولو او مالدارۍ او د اوبو او انرژۍ وزارتونو او د ملي پراختيا شرکت د استازو په ګډون جوړه شوې وه د يادې پروژې د بشپړولو بهير د چټکولو پر لارو چارو، د کارونو د پرمخ بېولو لپاره د لا زياتو سرچينو او امکاناتو د برابرولو او د یاد کانال د توپوګرافۍ مسير او دقيقو مطالعاتو په اړه هر اړخیزې خبرې شوي او په هکله يې لازمې پریکړې شوي.