د افغانستان بانک ویلي؛ غواړي چې د ۱۴۴۵ کال د رجب المرجب د میاشتې په ۱۶ نېټه (۱۴۰۲/۱۱/۰۸) د یکشنبې په ورځ د داوطلبۍ له لارې تر ۱۶ میلیونه امریکايي ډالرو پورې د لیلام په ډول وپلوري.
یاد بانک له سوداګریزو بانکونو او د صرافۍ او د پولي خدمتونو له شرکتونو څخه چې په شرایطو برابر وي، غوښتنه کړې، څو په دې داوطلبۍکې ګډون وکړي.
د افغانستان بانک زیاتوي، د داوطلبۍ ګټونکي اړ دي څو خپل حسابونه د لیلام د ورځې تر پایه پورې تصفیه کړي.
همداراز د اسعارو د لیلام په داوطلبۍ کې د معاملاتو قسمي تسویې ته اجازه نه ورکول کیږي، د داوطلبۍ ګټونکي اړ دي چې د خپل ذمت د قیمت پیسې په یو ځل په نغدي ډول په ټاکلي موده کې د افغانستان بانک ته وسپاري.