له ۱۹ کلنو کم عمره افغان کرېکټ لوبډلې د نړیوال جام لومړي پړاو په درېیمه او وروستۍ لوبه کې له نیپال په یوه ویکټه ماتې وخوړه او په دې سره له مخته تګ پاتې شوه.
له نېپال سره د لوبې پچه افغان لوبډلې وګټله، چې د ټولو لوبغاړو په سوزېدو سره یې سیالې لوبډلې ته ۱۴۶ هدف وټاکه.
نیپال د ۹ لوبغاړو په سوزېدو سره یاد هدف پوره او افغان لوبډلې ته یې ماتې ورکړه.
افغان ۱۹ کلنې کرېکټ لوبډلې له دې وړاندې خپله لومړۍ لوبه په ۱۸۱ منډو پاکستان ته بایللې وه.
دغهراز خپله دویمه سیالي یې بیا په یوه ویکټه نیوزلینډ لوبډلې ته بایللې وه.
له ۱۹ کلنو کم عمره افغان کرېکټ لوبډلې خپلې درې لوبې یو پر بل پسې وبایللې او په نړیوال جام کې له مخته تګ پاتې شوه.