تېره اوونۍ کې (د ۱۴۰۲ هـ.ش. د جدي له ۲۹مې څخه د دلوې تر ۵مې) پورې د افغانستان د اوسپنې پټلۍ له لارې ۷۹ زره او ۸۳۴ مټریک ټنه انتقالات شوي دي.
د حیرتان اوسپنې پټلۍ له لارې ۶۹ زره او ۶۸ ټنه، د آقینې اوسپنې پټلۍ له لارې دوه زره او ۶۵۳ ټنه او د تورغونډۍ اوسپنې پټلۍ له لارې اته زره او ۱۱۳ ټنه انتقالات، چې ټولټال ۷۹ زره ۸۳۴ ټنه نفتي، غیر نفتي او نور مواد دي، هېواد ته وارد او صادر شوي دي.
د افغانستان د اوسپنې پټلۍ اداره هڅه کوي، ترڅو د لا زیاتو انتقالاتو لپاره مناسب شرایط برابر او سوداگرو ته اړین سهولتونه چمتو کړي.