د کانونو او پټرولیم وزارت سرپرست شیخ شهاب الدین دلاور د چین هېواد C D C ویستنې شرکت له رییس سره لیدنه کړې.
په دغه لیدنه کې دواړو لورو د افغانستان د کانونو په برخه کې د پانګونې په شته فرصتونو سرتاسري امنیت او افغانستان ته د بهرنیو کمپنیو په را جلبولو باندې خبرې کړي.
د C D C شرکت رییس د شته فرصتونو د برابرولو او د هېواد په اوسني حالت خوښي څرګنده کړې او ویلي يي دي؛ افغانستان د پانګونې په برخه کې د ښو فرصتونو په لرلو سره یو غوره هېواد دی او همدا راز یې د مسو، سرب او جستو کانونو په برخه کې د پانګونې په موخه خپله لېوالتیا څرګنده کړې.
د کانونو او پټرولیم وزارت د سرپرست د هېواد کانونو په برخه د پانګونې لپاره اسانتیاوو رامنځته کولو په موخه د لازمو همکاریو ژمنه کړې.