د ریاست الوزرا اداري مرستیال مولوي عبدالسلام حنفي د لوګر له والي مولوي ضیاء الرحمن مدني سره لیدنه کړې.
مولوي ضیاء الرحمن مدني د لوګر ولایت د اجتماعي، اقتصاي او امنیتي وضعیت او دغه راز د سیمه ییزو ادارو کړنو په اړه د ریاست الوزرا اداري مرستیال ته معلومات ورکړي.
د لوګر والي ویلي؛ د اسلامي امارت مسولین په دې ولایت کې د روغتیايي او ښوونې او روزنې خدمتونو وړاندې کولو، د پراختیايي پروژو عملي کولو، د مواصلاتي لارو د بیارغونې او امنیت د ټینګښت په برخو کې شپه او ورځ نه ستړې کېدونکي هلې ځلې کوي.
مولوي عبدالسلام حنفي د لوګر والي ته د ښه راغلاست پر مهال په بېلابېلو برخو کې خلکو ته خدمت کول د اسلامي امارت دنده بللې.
د ریاست الوزرا اداري مرستیال ویلي؛ مسولین دې په ملي او سیمه ییزه کچه د امنیت د تامین او د خلکو د هوساینې او آرامۍ لپاره هڅې وکړي او د خپل توان په اندازه دې په بېلابېلو برخو کې د دوی ستونزې حل کړي.