د ریاست الوزرا اداري مرستیال مولوي عبدالسلام حنفي د فاریاب ولایت له یو شمېر مسولینو سره لیدنه کړې.
په پیل کې د فاریاب والي داملا محمد شعیب رسالت په خپلو خبرو کې د امنیتي وضعیت او د یاد ولایت د مجاهدینو په اړه ویلي؛ د دې ولایت مجاهدین او مسولین خلکو ته د خدمت، امنیت د تامین او د دوی د هوساینې په برخه هیڅ راز هڅې نه درېغوي.
دغه راز د شته امکاناتو په پام کې نیولو سره په بېلابېلو برخو کې د فاریاب ولایت د ولسونو ستونزې او ننګونې پیدا او د حل هڅې یې کوي.
د ریاست الوزرا اداري مرستیال ویلي؛ اسلامي امارت خلکو او هېواد ته خدمت خپله دنده او ویاړ ګڼي او د ټولو سطحو مسولین یې هڅه کوي، چې له ولسونو سره د نرم او نېک چلند ترڅنګ د دوی کارونو او ستونزو ته هم په صحیح او غوره طریقه توګه رسېدنه وکړي.