د ریاست الوزرا سیاسي مرستیال مولوي عبدالکبیر د اسلامي امارت له يو شمېر مسولينو او علماوو په ملتيا د خوست د علماوو او قومي مخورو شورا له غړو سره لیدنه کړې.
د ریاست الوزرا سیاسي مرستیال د شورا ګانو ارزښت ته په اشارې ویلي؛ په هر ولایت کې د علماوو او قومي مخورو شوراګانې د مهمو دندو په موخه رامنځ ته شوي، چې د چارو د ترسره کېدو په برخه کې ورته لازم صلاحیتونه هم ورکول شوي دي.
مولوي عبد الکبیر زیاته کړې، د علماوو او قومي مخورو شورا دې د قومونو ټولنیزو ستونزو حل ته ځانګړې پاملرنه وکړي.
د علماو شوراګانې د اسلامي امارت له رهبرۍ سره مستقیمه اړیکه لري او د ولسونو د ستونزو په حل او د مسولینو په لارښوونه کې مهم رول لري.
د خوست د علماؤ شورا غړو ویلي؛ ګڼ شمېر بېړني مسایل چې په محاکمو کې له ځنډ سره مخ کېدل، په مناسبه توګه حل کړي دي.
د شورا رهبرۍ د ریاست الوزرا سیاسي مرستیال ته ډاډ ورکړی، چې د نظام ساتنې په موخه خلک هڅول شوي او په همدې اړه ورسره دوامداره غونډې کوي.