د افغانستان تکواندو ملي لوبډلې لوبغاړو محسن رضايي او حکمت الله زین په متحده عربي اماراتو کې د تکواندو په نړیوالو سیالیو کې د برونزو مېډالونه ګټلي.
په دې سیالیو کې د افغانستان په ګډون له ۴۵ هېوادونو څخه ۱۸۹۷ لوبغاړو ګډون کړی وو.
له افغانستان څخه محسن رضايي او حکمت الله زین په درې ـ درې بریاوو او یوې ـ یوې ماتې د برونزو مېډالونه ترلاسه کړل.
د یادونې وړ ده، چې په دې سیالیو کې د محسن رضايي او حکمت الله زین تر څنګ رامین عزیزي، امید سهاک، علي اکبر امیري، بېژن صدر، حسین لطیفي او محمد اشرف هم ګډون کړی وو، خو د کوم مېډال په ګټلو بریالي نه شول.
ټاکل شوې چې تکواندو ملي لوبډله به د راتلونکې مارچ میاشتې پر ۱۷مه نېټه چین ته لاړه شي او هلته به د اسیا لویې وچې په اولمپیکي سیالیو کې ګډون وکړي.