د امریکا متحده ایالاتو د بهرنیو چارو وزیر انتوني بلېنکن یو ځل بیا منځني ختیځ ته تللی او ټاکل شوې نن سه شنبې مصر، قطر او اسرایلو څخه لیدنه وکړي.
نوموړی پرون ریاض کې و او له سعودي ولیعهد محمد بن سلمان سره یې هم کتلي او منځني ختیځ کې یې د روان وضعیت په اړه ورسره خبرې کړې دي.
د راپورونو پر اساس بلېنکن هڅه کوي د دغه سفر په ترڅ کې غزه کې د یو بل اوربند ټینګښت او د روان کړکېچ دایمي پای ته لارې وګوري.
دا په غزه کې د صهیونست اشغالګرو او فلسطیني جهادي ډلو ترمنځ د روان کړکېچ له پیل راهیسې د بلېنکن پنځم سفر دی.
د یادونې وړ ده، چې امریکا کې د بایډن حکومت د غزې په روانه جګړه کې د اسرایلو اصلي ملاتړی دی او تر دا مهاله یې ورسره میلیاردونه ډالر مرسته کړې ده.