د لغمان ولایت د بدني روزنې او سپورت امریت له لوري د هنډبال فدراسیون سره په همغږۍ د دې ولایت د دوو کلبونو ترمنځ د ننګرهار ولایت نارنج ګل سیالیو ته د هنډبال د غوره لوبغاړو موندلو په موخه هنډبال سیالۍ ترسره شوه.
دغه سیالۍ د ستورو کلب او اتلانو کلب ترمنځ په مهترلام بابا ښارکې وشوه، چې ستورو کلب لوبډلې وکولای شول، اتلانو لوبډلې ته ۲۵ ـ ۱۹ په توپیر ماته ورکړي او بریا خپله کړي.
هېره دې نه وي، چې په دغه سیالۍ کې ۲۰ لوبغاړو برخه اخیستې وه او په پای کې ترې د لغمان ولایت د هنډبال منتخبه لوبډله جوړه شوه.
ستورو کلب هنډبال لوبډلې اتلانو کلب ته ماته ورکړه
