د ورزش ادارې لوی رییس مولوي احمد الله وثیق د تاتارستان هېواد په پلازمېنه کازان کې د یاد هېواد د سپورټ وزارت له مرستیال وزیر خلیل او د تاتارستان هېواد د المپیک کمېټې له مشر منصور مراد سره لیدنه کړې.
په دې لیدنه د دواړو اړخونو له لوري د ورزش په پرمختګ او ورزشي همکاریو خبرې شوي.
د یاد هېواد د سپورت وزارت مسولينو ژمنه کړې، چې د افغانستان د ورزشکارانو د ښې ودې او د مربیانو د روزنې په برخه کې به لازمه همکاري وکړي.
دوی ویلي؛ موږ تیار يوو، د افغانستان د ورزش په برخه کې روزونکو ته معياري روزنه ورکړو او د سپورټ د برخې افغان محصلینو ته د کازان په ورزشي پوهنتونونو کې د زده کړو زمینه برابره کړو.