د ریاست الوزرا اداري مرستیال مولوي عبد السلام حنفي د بغلان ولایت له یو شمېر علماوو او بېرته راستنو شویو کډوالو سره لیدنه کړې.
یادو علماوو د بغلان د اجتماعي، اقتصادي او امنیتي وضعیت په اړه د ریاست الوزرا اداري مرستیال ته معلومات ورکړي.
علماوو ویلي؛ د بغلان سیمه ییز مسولین د امنیت د ټینګښت، خلکو ته د لازیاتې هوساینې د رامنځته کولو او د دوی ستونزو د حل په برخه کې هڅې کوي.
نوموړو همداراز زیاته کړې، د بېرته راستنو شویو کډوالو د لېږد، ځای پرځای کولو، مېشتولو او د لازمو خدمتونو وړاندې کولو لپاره د خپلو امکاناتو په محدوده کې هلې ځلې کوي.
مولوي عبد السلام حنفي ویلي؛ خلکو ته د ټولنیزې هوساینې رامنځته کول او دوی ته د لازمو اسانتیاوو برابرول د اسلامي امارت له لومړیتوبونو څخه دي.
د ریاست الوزرا اداري مرستیال څرګنده کې، اسلامي امارت د بېرته راستنو شویو کډوالو د لېږد، ځای پرځای کولو او دوی ته د کارموندنې په برخو کې د خدمتونو وړاندې کولو په موخه له خپلو ټولو امکاناتو استفاده کوي.