د کورنيو چارو وزارت سرپرست خلیفه سراج الدین حقاني د اوزبیکستان بهرنیو چارو له وزیر بختیار سعیدوف سره لیدنه کړې.
د کورنيو چارو سرپرست وزیر دې ليدنه کې د اوزبیکستان بهرنیو چارو وزیر ته د هرکلي ترڅنګ د دواړو هېوادونو تر منځ د اړېکو پر پیاوړتیا او ښه ګاونډیتوب خبرې کړي.
د اوزبیکستان بهرنیو چارو وزیر افغانستان کې د خوندي امنیت په موخه د اسلامي امارت هڅې او دغه راز مخدره توکو پر وړاندې بريالۍ مبارزه ستایلې او د سيمې ثبات په موخه يې يادې چارې ارزښتمنې بللي دي.
دغه راز د دواړو هېوادونو ترمنځ په تاریخي او فرهنګي ګډو ارزښتونو سربېره د اقتصادي پروژو د پیل او دوام یادونه هم شوې ده.
خلیفه سراج الدین حقاني، بختیار سعیدوف ته هېواد کې د خوندي امنیت په اړه پوره ډاډ ورکړی او هغه اقتصادي پروژې چې د سيمې پر ثبات يې اغېزه زياته وي، ژر پيل کېدل يې اړين بللي دي.