امریکا اعلان کړی، چې اوکراین ته د ۳۰۰ میلیونه ډالرو په ارزښت وسلې ورکوي. په دې وسلو کې بېلا بېل مهمات، توغندي او د الوتکې ضد توغندي شامل دي.
دا مرستې داسې مهال اعلانېږي، چې د امریکا په کانګریس کې اوکراین ته د نورو مرستو ځانګړي کولو لایحه د اختلافاتو له امله ځنډول شوې ده.
په نږدې درې میاشتو کې لومړنۍ ځل دی، چې امریکا له اوکراین سره پوځي مرسته کوي.
د راپورونو پر اساس ډنمارک هم اوکراین ته د شاوخوا ۳۳۶ میلیونه ډالرو په ارزښت د مهماتو او توپچي تجهیزاتو د لېږلو خبر ورکړی دی.