د افغانستان اسلامي امارت د رياست الوزرا اداري مرستيال مولوي عبدالسلام حنفي په مشرۍ او د اداري کمېسيون د غړو په ګډون د یاد کمیسیون غونډه وشوه.
په دې غونډه کې لومړی ټاکل شويو کمیټو د خپلو فعالیتونو او کړنو په اړه راپورونه وړاندې کړل.
وروسته د عالیقدر امیرالمؤمنین حفظه الله د لارښوونې پر اساس د اصنافو ماليات او همداراز د اطلاعاتو او کلتور وزارت، د چارو ادارې عمومي رياست او فارياب ولايت اړوند موضوعات په هر اړخيز ډول وارزول او په تړاو يې اړین تصميمونه ونيول شول.
د غونډې په پای کې د لوړو زده کړو او اطلاعاتو او کلتور وزارتونو او پکتيکا ولايت اړوندو موضوعاتو د لا زياتې څېړنې په موخه جلا کمیټو ته دنده وسپارل شوه.