د سې شنبې ورځ، د ۱۴/۱۰/۱۴۴۵ هـ ق نېټه چې ۴/۲/۱۴۰۳ هـ ش نېټې سره سمون خوري.
د هېواد له مختلفو لارو څخه افغان کډوال راستانه شوي او په بېلابېلو برخو کې ورته اړین خدمتونه وړاندې شوي.
بشپړ راپور یې په لاندې ډول وړاندې کیږي:
ننـــــــــګرهــــــار
تورخم ډېورنډ فرضي کرښه
د ثبت، تثبیت او استقبال کمېټه:
د تورخم له لارې ۴۰ کورنۍ هېواد ته راستنې او د یادو کورنیو ۴۳۵ تنه غړي، ثبت او بایمیټریک شوي دي.
د ټرانسپورټ او لېږد کمېټه:
له تورخم څخه ۳۸ کورنۍ چې د غړو شمېر یې ۲۰۰ تنه و، ننګرهار، لغمان او کابل ولایتونو ته په خوندي توګه لېږدول شوي او یادو کورنیو ته ۱۴۹ زره افغانۍ کرایه هم ورکړل شوې ده.
د مالي چارو د تنظیم کمېټه:
د مالي چارو د تنظیم کمېټې له لوري له ۴۹ کورنیو سره مرسته وشوه چې ټولې ۴۱۰ زره افغانۍ کیږي.
د لنډ مهاله مېشت کولو کمېټه:
د تورخم په عمري کمپ کې ۱۴ کورنۍ په مؤقت ډول مېشتې کړل شوې.
د خدمتونو او روغتیايي چارو کمېټه:
د تورخم په عمري کمپ کې راستنېدونکو کډوالو ته د روغتیا په شمول لاندې بېلابېل خدمتونه وړاندې شوي:
مخابرات: راستنو شویو کډوالو ته ۱۵۹ عدده سیمکارتونه، په وړیا توګه چې وړیا دقیقې او انټرنېټي بستې هم پهکې فعاله وې، وېشل شوي دي.
د کارموندنې کمېټه:
د کارموندنې کمېټې په تورخم کې دوه تنه د بکلوریا سند لرونکي، یو تن لیسانس، یو تن د وړې دورې فارغ څلور تنه دیني عالمان، اته تنه غریبکار او ۱۵ تنه حرفه يي او مسلکي کسان، چې ټول ۳۱ تنه کیږي، ثبت کړي دي.
یادې کمېټې په تورخم کې ۴۱۳ تنه ماشومانو ته د چاودیدونکو توکو، پاکوالي، ماشوم ساتنې او د افغانستان په اړه عامه پوهاوی ورکړی او یادو ماشومانو ته د رواني سلامتیا په موخه د لوبو تفریحي پروګرامونه هم برابر شوي دي.
د اطلاعاتو او عامه پوهاوي کمېټه:
په تورخم کې د تېر په څېر کډوالو ته عامه پوهاوی ورکړل شوی.
یادو کډوالو ته د دوی د ثبت، لېږد، مالي مرستو، لنډ مهاله مېشتېدنې او همدرانکه د هېواد، اسلامي نظام، کډوالۍ، صبر او زغم، ښوونې او روزنې په اړه ګټور پوهاوی ورکړل شوی.
کنــــــــــــــدهار
سپین بولدک ډیورنډ فرضي کرښه
د ثبت، تثبیت او استقبال کمېټه:
د سپین بولدک له لارې ۱۹۱ کورنۍ چې د غړو شمیر یې ۹۹۸ تنه کیږي، هېواد ته راستنې او ثبت شوي دي.
د ټرانسپورټ او لېږد کمېټه
له سپین بولدک څخه ۲۸ کورنۍ چې د غړو شمېر یې ۱۴۴ تنه و، کابل او کندوز ولایتونو ته په خوندي توګه ولېږدول شوې او ۵۳ زره افغانۍ کرایه هم ورکړل شوې ده.
د مالي چارو د تنظیم کمېټه:
د مالي چارو د تنظیم کمېټې له لوري په تخته پل کمپ کې له ۱۹۰ کورنیو سره ټولې ۱۵۶ زره افغانۍ مرسته شوې.
د لنډمهالې مېشتېدنې کمېټه:
۴۰ کورنۍ د تخته پل د مېشتېدنې په لنډ مهاله کمپ کې مېشتې کړل شوې.
د خدمتونو او روغتیايي چارو کمیټه:
په سپین بولدک کې راستنېدونکو کډوالو ته د روغتیا په شمول لاندې بېلابېل خدمتونه وړاندې شوي دي:
خواړه: په سپین بولدک کې کډوالو ته ۱ زر او ۲۲۹ خوراکه ډوډۍ او پاکې اوبه ورکړل شوې.
روغتیا: په سپین بولدک کې ۲۹۶ تنه راستانه شوي کډولو درملنه شوې دی.
همدارنګه ۴۶۵ تنه کډوالو ته د روغتیا په بېلا بېلو برخو کې عامه پوهاوی ورکړل شوی دی.
البسه: په لنډ مهاله کمپونو کې د اړتیا سره سم کډوالو ته خیمې او کمپلې وېشل شوي دي.
مخابرات: د مخابراتي خدمتونو د ادارې له لوري راستنو شویو کډوالو ته ۱۹۰ عدده سیمکارتونه په وړیا توګه چې وړیا دقیقې او د انټرنټي بستې هم په کې فعاله وې، وېشل شوي دي.
د کار موندنې کمیټه:
د کارموندنې کمېټې په سپین بولدک کې درې تنه بکلوریا سند لرونکي، دوه حافظان، پینځه د وړې دورې فارغان، اووه تنه دیني عالمان، ۱۱۰ تنه غریبکار او ۷۶ تنه حرفهيي او مسلکي کسان چې ټول ۲۰۳ تنه کیږي، ثبت کړي دي.
یادې کمېټې په سپین بولدک کې ۷۰ تنه ماشومانو ته د چاودیدونکو توکو، پاکوالي، ماشوم ساتنې او د افغانستان په اړه عامه پوهاوی ورکړی او یادو ماشومانو ته د رواني سلامتیا په موخه د لوبو تفریحي پروګرامونه هم برابر شوي دي.
پکتیکا
انګور اډه ډیورنډ فرضي کرښه
د ثبت تثبیت او استقبال کمېټه:
د په انګور اډه کې د یوه کورنۍ چې د غړو شمېر یې نهه تنه کیږي، ثبت شوي دي.
د ټرانسپورټ او لېږد کمېټه:
د انګور اډې څخه یوه کورنۍ، چې د غړو شمېر یې ۹ تنه و، خپلې سیمې ته په خوندي توګه لېږدول شوې ده.
د مالي چارو د تنظیم کمېټه:
د مالي چارو د تنظیم کمېټې له لوري له یوه کورنۍ سره لس زره افغانۍ مرسته شوې.
د خدمتونو او روغتیايي چارو کمېټه:
په انګور اډه کې راستنېدونکو کډوالو ته د روغتیا په شمول لاندې بېلابېل خدمتونه وړاندې شي دي:
خواړه: په انګور اډه او ښرنه کې کډوالو ته ۲۲ خوراکه ډوډۍ او پاکې اوبه وېشل شوې دي.
د اطلاعاتو او عامه پوهاوي کمېټه:
د انګور اډې په لار کې کډوالو ته عامه پوهاوی ورکړل شوی:
راستنېدونکو کډوالو ته د ماشومانو د ښې راتلونکې او تعلیمي نظام په هکله معلومات ورکړل شول او همداشان د کډوالو د کورنیو مشرانو ته د خپلو سیمو، دین او هیواد په اړه معلومات ورکړل شوي.
نیمروز
ورېښمو لار
د ثبت، تثبیت او استقبال کمېټه:
د نیمروز ولایت د ورېښمو له لارې ۸۱ کورنۍ چې د غړو شمېر یې ۳۱۹ تنه و، هېواد ته راستنې او ثبت شوې دي او همدا راز ۲۱۶۷ تنه مسافر هېواد ته راغلي دي.
د مالي چارو د تنظیم کمېټه:
د مالي چارو د تنظیم کمېټې له لوري له ۲۱ کورنیو سره چې د غړو شمیر یې ۸۲ تنه کیږي، لس لس زره افغانۍ مرسته شوې.
د لنډمهالې مېشتېدنې کمېټه:
په نیمروز کې ۹۰ کورنۍ چې د غړو شمیر یې ۳۶۴ تنه کیږي، د مېشتېدنې په لنډ مهاله کمپ کې ځای پر ځای شوي دي.
د خدمتونو او روغتیايي چارو کمېټه:
په نیمروز کې راستنېدونکو کډوالو ته د روغتیا په شمول لاندې بېلابېل خدمتونه وړاندې شوي دي:
مخابرات: راستنو شویو کډوالو ته ۸۱ عدده سیمکارتونه، په وړیا توګه چې وړیا دقیقې او انټرنېټي بستې هم پهکې فعاله وې، وېشل شوي دي.
د اطلاعاتو او عامه پوهاوي کمېټه:
د نیمروز ولایت د ورېښمو په لار کې کډوالو ته عامه پوهاوی ورکړل شوی:
یادو کډوالو ته د دوی د ثبت، لېږد، مالي مرستو، لنډ مهاله مېشتېدنې او همدرانکه د هېواد، اسلامي نظام، کډوالۍ، صبر او زغم، ښوونې او روزنې په اړه ګټور پوهاوی ورکړل شوی.
هـــــــرات
اسلام کلا
د ثبت، تثبیت او استقبال کمېټه:
د اسلام کلا له لارې ۱۰۸ کورنۍ چې د غړو شمیر یې ۲۴۱ تنه کیږي، هېواد ته راستنې او ثبت شوي دي.
د لنډ مهاله مېشت کولو کمېټه:
د هرات په اسلام کلا کې ۱۰۶ کورنۍ د مېشتېدنې په لنډ مهاله کمپ کې ځای پر ځای شوې.
د مالي چارو د تنظیم کمېټه:
د مالي چارو د تنظیم کمېټې له لوري له ۱۲۶ را ستنو شویو کورنیو سره ۸۹۲ زره افغانۍ مرسته شوې.
د ټولو کمېټو د بېلا بېلو کړنو ټولیز ارقام په لاندې توګه دي:
ثبت شوي کډوال: ۴۲۱ کورنۍ، دوه زره او ۲۰۰ وګړي
لېږدول شوي کډوال: ۶۷ کورنۍ، ۳۵۳ وګړي
مرسته شوي کډوال: ۳۸۷ کورنۍ
لنډمهالي مېشت شوي کډوال: ۳۰۴ کورنۍ
وېشل شوي سیمکارتونه: ۴۳۰ عدده