د اوبو او انرژي وزرات وايي؛ د لوګر ولایت د مرکز پل علم اړوند د خدر په سیمه کې د خدر کانال د جوړولو چارې د څه باندې ۷۱ زره ډالرو په ارزښت د لوګر د مرستیال والي مولوي محمد انور دین پرور، د لوګر د سیندیزې فرعي حوزې رییس ملا محمد اسماعیل اخوندزاده او یو شمېر نورو سیمه ییزو مسولینو او قومي مشرانو په شتون کې پيل شوې.
یاد کانال د یو کیلو متر په اوږدوالي سره د خوړو او کرنې نړیوال سازمان په مالي لګښت د لوګر د سیندیزې فرعي حوزې تر څارنې لاندې جوړیږي، چې پکې یو زره او ۲۰۰ کسانو ته د کار زمینه چمتو شوې او چارې به یې د پینځو میاشتو په موده کې بشپړې او ۶۰۰ هکتاره ځمکه به خړوبه شي.