د کرنې، اوبولګولو او مالدارۍ وزارت د پلان او پروګرامونو د همغږۍ لوی رییس مولوي عبدالغفور په مشرۍ ې د بدیل معیشت رییس او د کرنې وزارت د کرنې برخې د کارپوهانو په شتون کې تخنیکي غونډه دایره شوه.
په دې غونډه کې د پرمختیایي ادارو اړوندو استازو له ډلې د ملګرو ملتونو د پراختیايي ادارې، له جرمونو او مخدره توکو سره د مبارزې ادارې او د ملګرو ملتونو د خوړو او کرنې ادارې استازو ګډون درلود.
غونډه کې دواړو لوریو په افغانستان کې د بدیل معیشت پروژو د پلي کېدو بهیر، چې په تېرو درېیو کلونو کې پلی شوی څېړلی دی.
د کرنې وزارت د پلان لوی رییس د دوامداره معیشت د تامین په پار د یادو ادارو له هڅو مننه کړې او د افغانستان د کرنې د پراختیا لپاره یې د ګډو همکاریو پر دوام ټینګار کړی.
همداراز په دې غونډه کې ویل شوي؛ په هغو ولایتونو کې چې پخوا پکې کوکنار کرل کېدل، ډېر ژر د بدیل معیشت پروژې پلې کېږي، ترڅو خلکو ته تلپاتې اقتصادي فرصتونه برابر شي.