د کانونو او پټرولیم وزیر ملا هدایت الله بدري د افغانستان د صنایعو او کانونو خونې د مدیره پلاوي د پېژندنې په غونډه کې ګډون او وینا وکړه.
نوموړي په دې غونډه کې ویلي، چې صنعتکاران باید پخپلو تولیداتو کې کیفیت ته پاملرنه وکړي او د سوداګرۍ او صنعت تر منځ برابري په پام کې ونیسي.
ښاغلي بدري له سوداګرو او صنعتکارانو سره ژمنه کړې، چې په اړوند چارو کې به اسانتیاوې ورته رامنځته کوي.
د کانونو او پټرولیم وزیر په پای کې د چارو د لا ښهوالي په موخه د همکاریو ډاډ ورکړی دی.