د هېواد د کرېکټ ملي لوبډلې د یو ورځېنیو سیالیو لوبډلمشر حشمت الله شهیدي د امریکا ځینو ښارونو کې هغو هېوادوالو لپاره مرستې راغونډې کړي، چې تازه له پاکستانه په جبر را ایستل کیږي.
لوبډلمشر شاهدي د امریکا متحده ایالاتو په بېلابېلو ایالاتونو کې له پاکستان څخه د بېرته راستنېدونکو افغان کډوالو لپاره د مرستو په هدف ۱۱۰ زره امریکایي ډالر راټول کړي.
د ښاغلي شهیدي د مرستو راټولولو دغه سفر پای ته رسېدلی او ډېر ژر به بېرته هېواد ته راستون او شوې مرستې به تر اړمنو پورې ورسوي.
د ۲۰۲۳ نړیوال جام له پای ته رسېدو وروسته حشمت الله شهيدي په تورخم کې له هغو افغان کډوالو سره لیدلي وو، چې په وروستیو کې له پاکستانه خپل هېواد ته ستانه شوي دي.
ښاغلي شهیدي له نړیوالو بنسټونو او افغان سوداګرو غوښتي وو، چې د راستانه شویو کډوالو په لاسنیوي کې مرسته وکړي.