د هلمند ولایت په ګرشک ولسوالۍ کې د استقلال په نوم د ۱۰ لوبډلو ترمنځ د کرېکټ سیالۍ، چې په دوو ګروپونو وېشل شوې دي، پیل شوې.
د سیالیو په الف ګروپ کې اشنا، پښتون، ګرشک، طوفان او مسلم لوبډلې او په ب ګروپ کې ګرشک زلمیان، میوند، اریانا، هلمندي ځوانان او بدري لوبډلې شاملې دي.
یادې ۱۵ اوره سیالۍ، چې د ګرشک ولسوالۍ د ګنج په لوبغالي کې ترسره کېږي ۲۵ورځې به دوام وکړي.
په لومړۍ پیل لوبه کې اریانا او میوند لوبډلې سره مخ شوې، چې پچه اریانا لوبډلې وګټله او د توپوهنې پرېکړه یې وکړه.
اریانا لوبډلې په ټاکلو ۱۵ اورونو کې ۲۴۸ منډو هدف وټاکه، چې مقابلې لوبډلې په ۶۹ منډو ټول لوبغاړي اوټ او اریانا د لومړۍ پیل لوبې ګټونکې شوه.
د پیل په مراسمو کې د هلمند ورزشي مسولینو، لوبغاړو او ننداره چیانو ګډون درلود.