د امریکا متحده ایالاتو کانګریس پرون سه شنبې له اسرائیلو، اوکراین او تایوان سره ۹۵ میلیارده ډالر بهرنۍ مرستې اعلان کړې.
دغو مرستو کې ۶۰ میلیارده د اوکراین، ۱۴ میلیارده د اسرائیلو، ۱۰ میلیارده غزه کې د بشري مرستو، ۸ میلیارده د تایوان او پاتې نوره یې په هند ارام سمندر کې د خپلو ملګرو هېوادونو لپاره ځانګړې شوې ده.
یادې مرستې، چې کانګریس کې د دیموکراتانو پرې خوښه او د جمهوریت غوښتونکو پر خوښه نه وه، تر یو میاشت جنجالونو وروسته تصویب شوه.
امریکا له اسرائیلو سره دغه مرسته په داسې مهال اعلان کړې، چې صهیونست ځواکونه همدا اوس په غزه کې د فلسطینیانو ټول وژنه کوي او په دغې وژنه کې له هغو وسلو څخه کار اخلي، چې امریکا او نورو ملګرو هېوادونو یې ورکړې دي.